Namna ya Kupata na Kuiishi Amani ya Mungu

Ukitaka kupata amani, tumaini katika Ahadi za Mungu. Ahadi ya Mungu ni hii “Hatoacha kutusaidia wala kututupa”.

 

Mambo ya Muhimu kukumbuka 

  1. Maisha yana mambo mengi mazuri na mabaya. Naam, Mema na Mabaya ni Sehemu ya Maisha. Furaha na Huzuni ni sehemu ya maisha.
  2. Changamoto katika maisha na kutokea kwa Mambo mabaya katika maisha yanatukumbusha kuthamimini mazuri na kutokuwa na kiburi na kuacha kumtumainia Mungu.
  3. Sio kweli kwamba mambo mabaya tuu ndio yananyima amani.
  4. Mambo mazuri yananyima amani kama kama hatuna uhakika nayo hasa kutokujua kwa uhakika mwanzo na mwisho wake utakuaje. Mfano, unapokua na mali nyingi haimaanishi utakua na Amani, Utakosa amani kwa sababu huna uhakika na hujui nini kitatokea kwenye mali hiyo.
  5. Unapokuwa katika changamoto au jambo baya linapokutokea unapaswa kukumbuka haya;
  • Hata hilo nalo litapita,
  • Wewe sio wa kwanza kukutana nalo,
  • Wapo watu ambao jambo hilo ni sehemu ya maisha,
  • Mungu yupo na hata katika hilo bado anamakusudi yake tena mema,
  • Huwenda Mungu anataka kukufundisha kitu kupitia hilo,
  • Mungu ana mpango wa kukuimarisha kupitia hilo.

 

Namna ya Kutumainia Ahadi ya Mungu

  1. Tunatumainia Ahadi ya Mungu kwa kuamini katika neno lake.
  2. Tunatumainia Ahadi ya Mungu kwa kusubiri na kukaa katika mpango wake.
  3. Tunatumaini Ahadi yake kwa kutii Matakwa yake.
  4. Tunatumainia Ahadi ya Mungu kwa kutonung’unika wala kujutia kuchagua kuwa katika mpango wa Mungu.

 

Namna ya Kungoja Ahadi ya Mungu

  1. Tunangoja Ahadi ya Mungu kwa Uaminifu na subira
  2. Tunangoja Ahadi ya Mungu kwa Sala/Maombi bila kuchoka
  3. Tunangoja Ahadi ya Mungu kwa kujitahidi kukua kiroho ili kupokea ahadi ya Mungu
  4. Tunangoja Ahadi ya Mungu kwa kufanya maandalizi ya kimwili na kimaisha kwa ujumla ili kupokea ahadi hiyo

 

Namna ya Kupata na Kuiishi Amani ya Mungu

  1. Tunaweza kuwa na Amani kwa kuelewa kwamba Kila kitu kitapita, na siku moja kuna mwisho, hata maisha yako yataisha
  2. Tunaweza kuwa na Amani kwa kuelewa kwamba Mungu ana mpango na Maisha yetu. Na anatuwazia mema tuu. Amepanga mema katika maisha yetu
  3. Tunaweza kuwa na Amani kwa kujua kwa uhakika kuwa mambo yote ni mapenzi ya Mungu. Mungu anaruhusu kila kitu kitokee kwa makusudi mema. 
  4. Tunaiishi Amani ya Mungu kwa Kutumainia katika Upendo, huruma na Rehema za Mungu
  5. Tunaiishi Amani ya Mungu kwa kuelewa na kuamini kwa uhakika kwamba kwa Mungu kila kitu kinawezekana
  6. Tunaiishi Amani ya Mungu kwa kukaa katika njia zake na kufanya Mapenzi yake

 

KUMBUKA: Kila kitu kinaruhusiwa na Mungu kwa makusudi mema. Kamwe Mungu hawezi kutuacha na kututupa.

 

NAKUTAMKIA AMANI NA FURAHA KATIKA MAISHA YAKO WEWE UNAYEPENDWA NA MUNGU

Subscribe
Notify of
guest

0 Comments
Inline Feedbacks
View all comments
0
Tungependa maoni yako pia. Toa maonix
()
x